Վարդանանց x DuckDuckGo Email

Ինչքան ժամանակ ա օգտվում եմ DuckDuckGo-ի Email Protection ծառայությունից ու ունեմ իմ @duck.com հասցեն։ Ակումբներում, գրադարաններում ևն էլ իսկական փոստիս հասցեն չեմ շռայլում, փոխարենը էդ հասցեն եմ տալիս, որը հավելյալ մաքրում ա նամակները email tracker-ներից ու վերահասցեավորում իսկական մեյլիս։

Ի դեպ, արժի կարդալ DuckDuckGo-ի մասին էս սկանդալը, որը ապացուցում ա, որ ոչ մի ձրի բանի չարժի վստահել։

Վերջերս գնացել էի Վարդանանց բժշկական կենտրոն տարեկան բուժզննության։ Պարզվեց էլ. փոստիս հասցեն չունեն, խնդրեցին տամ. տվեցի @duck.com-ով մեյլս։ Աշխատողը սպասվածի պես մի քիչ տարօրինակ հայացքով նայեց, որոշեցի տառ առ տառ թելադրեմ շնիկից հետո, արհեստական ծիծաղով էլ վերջում ավելացրի «անգլերեն բադ, էլի» ։դ Ինքն էլ ծիծաղեց, թղթերս տվեց։ Բոլոր սենյակներում լավ սպասարկեցին, արդյունքներս իմացա, գնացի տուն։

Որոշ ժամանակ անց անալիզներ էի հանձնել Վարդանանցում, պետք էր դրանց պատասխանները ստանալ էլ. փոստիս։ Զանգեցի Վարդանանց, ասեցին, որ արդեն ուղարկել են, բայց ինձ բան չէր հասել։ Խնդրեցի նորից ուղարկեն, նորից ապարդյուն։ Զանգեցի, խնդրեցի մեյլիս հասցեն ասեն ինչ ա գրված, պատասխանեցին «բլաբլաբլա@դաք.քոմ»։ Ասեցի՝ մի հատ թելադրեմ՝ ստուգեք, էլի. շնիկ, D, U, C, K, .com, ու էլի ավելացրի՝ «անգլերեն բադ»։ Ասեցին ահա, էդպես ա։ Ճարահատյալ խնդրեցի ձեռքով մի հատ փորձեն ուղարկեն իսկական մեյլիս, տեսնենք կգա՞. նորմալ հասան նամակները։ Մտածեցի դե լավ, երևի կարգավորումների խնդիր ա իրանց կամ DuckDuckGo-ի կողմից, չնայած շատ տարօրինակ էր։

Շաբաթներ անց աչքս որոշեց բորբոքվել, նորից գնացի Վարդանանց։ Մինչև բժշկի մոտ բարձրանալը ադմինիստրատորը չգիտեմ ինչ բարեբախտիկ պատճառով խնդրեց թղթի վրա ստուգեմ՝ փոստիս հասցեն ճիշտ ա՞, թե՞ չէ (ես մոռացել էի արդեն փոստի խնդրի մասին)։ Նայեմ և ինչ տեսնեմ. գրած ա @dac.com -_- Եվ դա երկու մարդու տառ առ տառ թելադրելուց հետո ։դ Ճիշտ հասցեն էս անգամ թղթի վրա գրեցի, խնդրեցի փոխեն, ու այդ օրվանից մինչ էսօր Վարդանանցից բոլոր արդյունքներս նորմալ ստացել եմ @duck.com փոստի հասցեիս։